Ayer vite na fonte

Ayer vite na fonte

tabes cantando,
y hoy que pasé por ella
tabes llorando.

Dime porqué tas triste
y descolorida,
dime por quién sospires
prenda querida.

-Sospiro por amores
que yo tenía,
sospiro por amores
que yo quería.

-Amores que tuviste
sigues teniendo,
yá sabes que te quixe
y toi queriendo.

-Si tanto me quixiste
y tas queriendo,
¿por qué nun vas a veme
cuando t'espero?

Bien sé que tienes otra
que te namora,
bien sé qu'a mi me dexes
llorando sola.

-La qu'a mi me namora
tu bien lo sabes
que yes tu, prenda mía,
coles tos gracies,

-Les gracies míes
nun son denguna,
por eso vivo sola
como la lluna.

-Pos si tu yes la lluna
yo soi lluceru
que te voi pesiguiendo
per tou el cielu.

-Nun m'olvides, mio vida,
por dios te pido,
nun m'olvides, estrella,
que nun t'olvido.